Соңғы жылдары елімізде жанармай, желім мен түрлі улы иістерге, есірткіге тәуелді жасөспірімдердің қатары күрт артқанын айтып, дабыл қағуда. Жүйке жүйесі бұзылған, ішкі ағзалары құрыған есірткі құрбандары көбейіп барады. Дер кезінде тоқтай алмай, артық дозадан бақилық боп жатқандары да кездеседі. Әсіресе мектеп жасындағы балалардың желім иіскеп желігуі, есірткі қолдануы - ауыр қасірет. Кей ата-ана баласын ешкімнен кем қылмай өсіріп отырмын, бұл жолға қалай түскенін білмеймін деп таң қалып жатады. Балаға материалдық тұрғыда ғана көңіл бөлу аздық етеді. Ол өз ата-анасының, ағайын-бауырларының жылуын сезініп, жақсы көретінін үнемі біліп өсуі тиіс. Әке-шешесі өз дәрежесінде көңіл бөлмейтін бала ешкімге керексіз екенмін деп ойлап, психологиялық күйзеліске тап болады. Сосын өзін түсінетін ортаны іздей бастайды. Күмәнді достар тауып алады да, сол ортаның «өз» адамына айналады. Бірте-бірте психотропты заттарға әуес бола бастайды. Кейбірі тіпті нашақорлыққа салынып кетуі мүмкін. Салдарынан сабаққа құлқы болмай, өзге оқушылармен де қарым-қатынасы нашарлап кетеді. Өзін-өзі ұстауы мен мінез-құлқындағы өзгерістер мұғалімді де, ата-ананы да алаңдатуы тиіс. Осы өзгерістерге бей-жай қарамай, психологтың көмегіне жүгіну арқылы көптеген проблеманың алдын-алуға болады. Бағдарлама қонақтары осы тақырып жөнінде әңгіме өрбітеді.
Әр жұма НТК арнасынан 18:30-да "Сан Cауал" бағдарламасын өткізіп алмаңыздар!