«ХАЙП ЖАСАУ АЙЫП ПА?»
Қазіргі заман жастары «хайп» жасау атақты болуға тура апарар жол деп ойлайды. «Хайп» жасаушылар тез танылу үшін, оқырмандар санын арттыру мақсатында әлеуметтік желіге бейәдеп суреттерін жүктеп қана қоймай, түрлі образдар ойлап тауып, тик-ток түсіріп, желіні шулатып жатады. Жалған атақ қуып, өзін-өзі жарнамалауда алдына жан салмайтын жастар қатарында жасөспірімдер де бар. Психологтардың айтуынша, мұның алдын алмаса, ертең бұл айықпас ауруға айналуы мүмкін екен. Жасөспірім ұл мен қыз ел-жұрттың назарына ілігуді әдетке айналдырып алады. Кейін жұрт назары жетіспей қалса, өзін өзгеден кем санай бастайтын болады. Осындай дәрежеге жетпес үшін олар әркез «хайп» жасауға, ел назарын өзіне аударуға тырысумен жүреді. Бұл кәдімгі ауру. Мұның жалғыз емі - интернет пен ел назарынан тыс та өмір барын сезіну. Желінің жеңіл дүниелерін насихаттайтын мұндай әрекеттер өскелең ұрпақтың санасын уламай ма? Бағдарлама осы тақырыпта өрбитін болады.